சென்னை: இளையராஜா ராயல்டி விவகாரம் குறித்து எஸ்.பி. பாலசுப்பிரமணியம் கூறிய கருத்து திடுக்கிட வைத்துள்ளது.
சென்னை ஆழ்வார்பேட்டையில் நடைபெற்ற தனியார் நிகழ்ச்சியில் சிறப்பு விருந்தினராக பிரபல பாடகர் எஸ்.பி. பாலசுப்பிரமணியம் சிறப்பு விருந்தினராக பங்கேற்றிருந்தார். நிகழ்ச்சி முடிந்து செய்தியாளர்களை சந்தித்த அவரிடம், இளையராஜா தனது பாடல்களுக்கு ராயல்டி கோருவது தொடர்பான கேள்விகள் முன்வைக்கப்பட்டன. அதற்கு பதிலளித்து பேசிய அவர், இளையராஜா விவகாரம் குறித்து தன்னால் எந்த கருத்தும் கூற முடியாது என்றார். அதில் என்ன நடக்குமோ அது நடக்கட்டும் என்று கூறினார்.
முன்னதாக, எஸ்.பி. பாலசுப்பிரமணியம் உள்ளிட்டவர்கள் தான் இசையமைத்த பாடல்களை மேடையில் பாடினால், ராயல்டி தரவேண்டும் என ஏற்கனவே கூறியிருந்தார். அப்போது அவர் இசையமைத்த படங்களின் தயாரிப்பாளர்கள், ராயல்டி தொகையில் தங்களுக்கும் பங்கு தரவேண்டும் என கோரியிருந்தது குறிப்பிடத்தக்கது.
